A construción da plataforma no cruzamento de Vidal Rocha e o Paseo de Silgar obrigará a cortar mañá durante a mañá o tráfico nun tramo de Vidal Rocha, concretamente na confluencia coas rúas Ramón Cabanillas e Fonte de Ramos, e a desviar o tráfico que queira dirixirse ao porto polas rúas Viña da Fonte, Mariñeiros e habilitar o dobre sentido, regulado por dous policías locais, en Rúa Madrid. A actuación enmárcase dentro do plan de semipeatonalización do Paseo de Silgar anunciado polo goberno local e que continuará co pintado e sinalización do viario.
A actuación prevista mañá esténdese nun tramo en T de aproximadamente 300 metros que quedará á altura do paseo formando unha plataforma única na que se priorizará ao peón.