Sanxenxo, 12 de xuño de 2025.– O semáforo de As Salinas, que regula o tránsito de peóns entre A Revolta e a praia da Lanzada, estreará a partir de mañá un novo sistema de regulación dos tempos de espera de vehículos e peóns para favorecer a fluidez do tráfico e garantir a seguridade viaria.

Ata agora, o semáforo permanecía en ámbar todo o tempo e era necesario pulsalo para que pasase a verde para os peóns e a vermello para os vehículos. A partir de mañá, estará sempre en verde para os vehículos e porase en vermello cando o peón o pulse, tendo quince segundos para cruzar.

O intervalo entre cada pulsación do peón deberá ter unha espera mínima de tres minutos para que se poida volver activar o paso.