O próximo 30 de decembro o Centro de Información ás mulleres, organiza “Por elas”. Unha andaina solidaria para reclamar a igualdade entre homes e mulleres e a eliminación da violencia machista. Un acto, que terá no recordo todas as mulleres que foron asasinadas ao longo de este 2018.

Esta marcha partirá ás 11.00h. da carpa situada na praza dos Barcos, para facer un percorrido de 5m, que pasará polo Centro de Información ás Mulleres, en Portonovo.

As persoas que desexen participar, terán que levar consigo un kg de alimentos non perecedoiros, pois esta andaina tamén ten un fin solidario, para colaborar con aquelas persoas que máis o precisan.

Esta actividade rematará coa lectura dun manifesto no que se reclamará unha sociedade libre de violencia machista. Reclamará tamén catro valores sobre os que debe xirar a loita para a eliminación deste tipo de violencia, que son o respecto, a tolerancia, a implicación e a responsabilidade.