Onte tivo lugar no salón de plenos o acto de apertura e exame administrativo da documentación incluída no sobre 1 da primeira fase das propostas presentadas ao concurso de ideas, que Nauta Sanxenxo convocou para o deseño das melloras do porto deportivo de Sanxenxo.

Ao concurso presentáronse un total de 35 empresas, entre as que se atopan empresas galegas, do resto de España e mesmo algunha internacional. Non soamente é importante o número, se non o prestixio dos distintos estudos de arquitectura que se presentaron.