A mañá de onte, en Xunta de Portavoces, decidiuse por unanimidade de todos os grupos políticos a convocatoria dun pleno extraordinario para render homenaxe a Arturo Fontán Bouzas.
Arturo Fontán Bouzas, natural de Sanxenxo, faleceu o pasado luns día 15 de abril tras lanzarse ao mar para socorrer a unha moza en apuros no Termo Municipal de La Oliva (As Palmas). Arturo residía coa súa muller e o seu fillo en Puerto del Rosario, e puxo en xogo a súa vida por colaborar no rescate doutra persoa que demandaba auxilio e é por iso que Sanxenxo estará eternamente agradecido.
Telmo Martín, Gonzalo Pita, David Otero, Vanessa Rodríguez Búa, Coral González-Faba e Roberto Agís, acordaron por unanimidade a celebración deste pleno extraordinario, de acordo coa viúva do falecido, o próximo 8 de maio, ás 12.00 h.