O Alcalde, Telmo Martín e a Concelleira de Educación, Paz Lago estiveron a mañá de onte no CEIP A Florida na inauguración do circuito de Educación Vial, deseñado polo PoliPaco, co que nenos e nenas de Educación Infantil e Primaria aprenderán xogando.

O obxectivo é empoderar aos máis pequenos cos coñecementos e habilidades necesarias para evitar circunstancias de risco e guiarse por un comportamento cívico. Eles teñen a capacidade de actuar máis alá do seu propio círculo escolar e de amigos, transcendendo e converténdose en vixías dos entornos adultos onde sexan escoitados. Se traballamos cos rapaces, daremos chegado a toda a sociedade.