A Consellería de Infraestruturas puxo fin a un punto negro de seguridade viaria en Portonovo coa renovación do paso salvacunetas que dá acceso ao barrio de Baltar. A actuación consistiu na renovación do elemento que soporta a diario un elevado tráfico de vehículos lixeiros e de repartición. O Concello de Sanxenxo solicitou ao departamento autonómico a reparación do paso despois de constatar un grave risco, especialmente para o tránsito de bicicletas e motos, ao detectar importantes gretas e roturas na estrutura.
O novo paso salvacunetas combina formigón e ferro fundido para evitar afundimentos na estrutura e garantir o tránsito idóneo neste punto de acceso. Os traballos que xa están concluídos tiveron un custo de 12.000 euros.