O Pleno de Sanxenxo aprobou esta mañá o Orzamento co que contará Sanxenxo e as empresas municipais para 2021. A concelleira de Facenda Paula Martínez, expuxo de forma clara as contas que ascenden a 31.273.861 euros que se repartirán entre a entidade local (19,2 M€), Terra Sanxenxo (5,1 M€), Turismo de Sanxenxo (2,1 M€), Nauta (2,9 M€) e Insua (1,7 M€). Unhas contas que incidiu Martínez teñen dous obxectivos claros: "O primeiro seguir mellorando os servizos municipais e impulsar os proxectos que demanden os veciños e o segundo, deixar a débeda a cero a final de ano". As contas contaron co respaldo dos dez votos favorables dos concelleiros de goberno e co do edil de SAL, Yago Torres. O PSOE, BNG e Cidadáns votaron en contra.

 

Sanxenxo pechou o ano 2020 cunha débeda de 1.795.620 euros, e este ano está prevista unha amortización ordinaria de 570.000 euros e unha extraordinaria de 1.230.000 euros con cargo ao superávit ou remanente de tesouraría. O que permitirá cumprir o obxectivo de deixar a débeda a 0. "Elaboramos uns orzamentos moi realistas e mantendo os impostos baixos. Un principio ao que este goberno non vai renunciar mentres sexa posible", asegurou.

 

A edil de Facenda fixo unha minuciosa exposición dos servizos que presta o Concello como o Servizo de Axuda non Fogar, as 2 gardarías municipais (605.000 €), o Centro de Día (480.000 €), piscina municipal (691.000 €), actividades educativas e culturais como as 3 bibliotecas, escola de música ou o centro de arte (675.000  ?). ?Que a ninguén lle caiba a menor dubida que calquera familia que necesite axuda teraa, xa o ano paso gastouse máis do que estaba orzado e este ano, aínda que se dobraron as partidas (110.000 ? + 73.000 ?), se fai falta máis? haberá máis?, asegurou.

 

O orzamento inclúe unha partida de 361.000 € de axudas directas ao sector económico e turístico. A esta cantidade hai que sumar os 300.000 € da exención da taxa de terrazas á hostalaría en 2020.  Por tanto, desde o inicio da pandemia, Sanxenxo suma 661.000 € en axudas directas á hostalaría e a actividade económica, o que significa o 2,5% do orzamento. O gasto social que abarca servizos sociais, cultura, educación, deportes, medio ambiente, comercio, servizos xerais e seguridade cidadá supón o 60% do orzamento.

 

 No capítulo de investimentos, Martínez destacou que durante o catro primeiros meses do ano xa se impulsaron actuacións por máis de 800.000 euros algunhas xa están finalizadas e outras en execución:  A urbanización do Revel en Vilalonga, o Centro Sociocultural de Gondar e a mellora da contorna da capela de O Santo en Nantes entre outras.   

 

Entre os investimentos do orzamento citou algúns proxectos como a humanización da Rúa do Vento en Sanxenxo, mellora da praza Méndez Núñez en Portonovo, melloras no cemiterio de Dorrón, rede de pluviais na Lanzada, 2ª fase do Pazo de Quintáns, mellora da pista Contumil, Nantes, mellora camiño de Sear, Bordóns ou o plan de asfaltados nas parroquias, entre outros."Con outros recursos, alleos ao orzamento, o goberno vai impulsar outras actuacións como a praza de Vilalonga, o peche da pista deportiva de Nantes e a humanización da contorna do colexio e o mercado de Portonovo entre outras", explicou     

 

En canto ás empresas municipais, a concelleira de Facenda expuxo que Nauta, unha empresa 100% municipal desde 2003, xerou unha media de 250.000 € de beneficios durante os últimos anos, despois de pagar impostos.   "Moitos veciños non saberán que Nauta paga o recibo de IBI máis alto de Sanxenxo, en concreto 51.000 euros que se ingresan nas arcas do Concello", apuntou. Nauta xestiona o parking, o aluguer das prazas de amarre das embarcacións e os locais comerciais. Os beneficios que produce permiten levar a cabo actuacións como a rexeneración de praia Carabuxeira ou a 1ª fase do concurso de ideas, que consiste en ajardinar a escalinata de acceso á praza, mellorando así a conexión do porto e a vila. 

 

En canto a Insula que ten un patrimonio de 2,8 M€ de chan do parque empresarial. "Imos impulsar a construción dunha nave para o servizo de emerxencias, servizos e a policía. O seu orzamento inclúe unha partida de 275.000 € que se poderá ampliar até 1.500.000 ", explicou.

Tamén está prevista a adquisición por renting dunhas casetas de alta calidade para a Feira Multisectorial de Portonovo, que van supor un salto cualitativo que dinamizará a actividade hostaleira e comercial da vila mariñeira. 

 

Finalmente, Martínez apuntou que a liquidación do orzamento do ano pasado ha xerado un remanente de tesouraría ou un superávit de 3,8 millóns de euros que permitirá realizar investimentos maiores e amortizar débeda. "O orzamento fai realidade 3 feitos: Deixar a débeda a 0 a final de ano, pagar a expropiación da parcela dos Rocafort sen maior dificultade e prestar os servizos de calidade que merecen os veciños e impulsar os proxectos que demandan", concluíu.