O municipio superou o pasado mes a destinos como Santiago, A Coruña, Vigo e O Grove

Sanxenxo, 25 de agosto de 2025.- Os hoteis de Sanxenxo rexistraron 197.412 pernoitacións o pasado mes de xullo, segundo os datos publicados polo INE no balance de Conxuntura Turística Hoteleira. É un 3,5 % máis que o ano pasado no mesmo período, cando se acadaron as 190.623 pernoitas.

A cifra de xullo mantén a Sanxenxo como líder en pernoitacións en Galicia respecto doutros puntos turísticos como Santiago (162.905), A Coruña (120.769), O Grove (57.744) e Vigo (99.957). As pernoitacións que Sanxenxo sumou en xullo supoñen o 33,5 % da provincia de Pontevedra (588.593) e o 14,6 % de Galicia (1.325.548). Porén, nesta ocasión, superárono outros destinos turísticos do norte como San Sebastián (238.379) e Bilbao (242.672) que teñen na gastronomía e o turismo cultural as súas bazas máis importantes.

Nestatísticas prescíndese das estadías en vivendas turísticas e en segundas residencias. Tampouco se teñen en conta os datos que ofrecen pensións ou cámpings. En canto ao número de viaxeiros que se hospedaron en hoteis, Sanxenxo recibiu o pasado mes de xullo a 54.935 turistas, dos que 45.600 procedían do territorio nacional e 9.335 do estranxeiro.