Estas dúas actuacións lévanse a cabo co obxectivo de mellorar e garantir a seguridade viaria no municipio, en dous tramos con carácter urbano da PO-308, en Portonovo e en Sanxenxo.
ENTRONQUE PO-308 CON C/ A PERLA E ESTRADA DO CATADOIRO
En Portonovo, no punto no que se cruzan a PO-308 coa C/ A Perla e a Estrada do Catadoiro, faise necesario regular dunha forma ordenada esta intersección cunha rotonda e medidas para reducir a velocidade.
Neste punto farase unha demolición no firme para xerar espazo para a nova rotonda, que terá un anel central, illotes, ampliación das beirarrúas e o trazado da nova rede de drenaxe. Para isto instalaranse 4 sumidoiros e dous rejillas transversais, todos conectados por tubos de 250mm de diámetro.
Faranse os firmes dos illotes e o anel central en formigón coloreado e confinaranse cun bordo de formigón remontable. Para completar a actuación instalarase a nova sinalización horizontal e vertical acorde ao novo deseño.
Esta actuación ten un orzamento de 48.399€, e ten un prazo de execución de dous meses e as obras comezarán despois de semana santa.
Consultar o proxecto:
AVDA DE LEÓN
Na Avda. de León á altura dun dos accesos á praia da Carabuxeira executarase un tramo de beirarrúa na marxe esquerda do viario, para dar continuidade a todo o trazado peonil, co obxectivo de mellorar a seguridade viaria na zona, dotando aos peóns dun espazo de paso propio.
Para isto retirarase a varanda existente e executarase unha nova estrutura de 1.20 m de ancho e 12.50 de longo na zona de baixada ao areal. Tamén se demolerán as escaleiras existentes e a continuación executaranse unhas novas en formigón armado. Para finalizar farase un axuste de rasante coas escaleiras e unha nova sinalización horizontal para marcar o espazo de aparcadoiro.
O prazo de execución dos traballos, que teñen un orzamento de 35.557€, é de dous meses e as obras comezarán despois de Semana Santa.
Consultar o proxecto:
- Memoria parte 1
- Memoria parte 2
- Memoria parte 3
- Planos 1
- Planos 2
- Planos 3
- Planos 4
- Orzamento medicións
- Orzamento valoración